"Димаш Құдайберген, Роза Рымбаева": Президент отандық өнер жұлдыздарының концертін тамашалады (фото)

Кеше салтанатты ұлықтау рәсімінен кейін Мемлекет басшысы отандық өнер жұлдыздарының концертін тамашалады, деп хабарлайды БОРТ N1 Telegram арнасы.

"Қазақстан" орталық концерт залының сахнасында еліміздің танымал әншілері Роза Рымбаева, Димаш Құдайберген, Рухия Байдүкенова, Алишер Каримов, Біржан Хасанғалиев, Ұшқын Жамалбек, Тамара Асар өнер көрсетті.

Сондай-ақ кеште өнер көрсетушілер арасында "Астана балет" театры, "Contrast", "Terra" би ұжымдары мен тағы басқа мәдениет қайраткерлері бар.

Естеріңізге сала кетейік, күні кеше Қазақстан Республикасы президентінің ұлықтау рәсімі өтті.