Астанада жүргізушісі жоқ көлік аялдамаға соғылды (видео)

Астананың 21 жастағы тұрғыны ВАЗ 2114 маркалы көлік құралын өздігінен жүруді болдырмайтын шараларды қолданбай тастап кеткен. Салдарынан көлік аялдамаға барып соғылған, деп хабарлайды Polisia.kz.

Полиция мәліметінше, жол-көлік оқиғасы кезінде аялдамаға зақым келгенімен, ол жерде адамдар болмаған.

"Жүргізушіге қатысты әкімшілік құқық бұзушылық туралы кодекстің 610-бабының 1-бөлігі бойынша әкімшілік хаттама толтырылып, шешім қабылдау үшін Астана қаласының әкімшілік сотына жіберілді.

Анықталғандай, жүргізуші Қонаев көшесіндегі үйдің маңайына өзінің көлік құралын қойып, кетіп қалған", - делінді полиция мәлімдемесінде.