Top.Mail.Ru

Сайт нұсқасы

ru kz

Зектілері

Қарағанды облысында дүкен сатушысына балға және пышақпен шабуыл жасалды

Опубликовано:

Балға
Көрнекі фото: Рixabay.com

Қарағанды ​​облысында әйел адамға қарақшылық шабуыл жасалды. Дүкендегі сатушы әйелді ұрып-соғып, балға және пышақпен қорқытқан адам анықталды, деп хабарлайды Polisia.kz.

Қарағанды облысы Осакаров аудандық полиция бөліміне 2 желтоқсан күні түнгі сағат 23.00 шамасында ауданға қарасты ауылдардың бірінде қарақшылық болғаны туралы хабарлама түскен.

Оқиға орынына бірден жедел-тергеу тобының қызметкерлері жіберіледі. Белгілі болғандай, дүкенде белгісіз біреу 65 жастағы сатушыға шабуыл жасаған.

"Күдікті жәбірленушіні пышақ және балтамен қорқытып, дене жарақаттарын келтіріп, азық-түлік және 30 мың теңге ақша алып кеткен. Полиция қызметкерлері қылмысты ашу бойынша кешенді жедел-іздестіру іс-шараларын жүргізді. Нәтижесінде осы іске қатысы бар деген күдікпен ізін суытпай 29 жастағы күдікті ұсталды", – деді полиция өкілдері.

Күдікті мойындау көрсетпе белгілерін беріп, одан айғақ заттар тәркіленді.

Аталған дерек бойынша Қылмыстық кодекстің 192-бабына ("Қарақшылық шабуыл") сәйкес қылмыстық іс қозғалды. Күдікті уақытша ұстау изоляторына қамалып, тергеу амалдары жүргізіліп жатыр.

Мақаланың түпнұсқасы: https://kaz.nur.kz/society/2000350-qaragandy-oblysynda-duken-satusysyna-balga-zane-pysaqpen-sabuyl-zasaldy/