Астанада 7 желтоқсанда бірінші ауысымдағы мектеп оқушылары онлайн форматта оқиды

Елордада ертең, 7 желтоқсанда бірінші ауысымдағы мектеп оқушылары мен колледжердің 1-2 курс студенттері онлайн форматта оқиды. Бұл туралы Астана қаласының білім басқармасы Instagram-дағы ресми парақшасында хабарлады.

"2022 жылдың 7 желтоқсан күні ауа райының қолайсыздығына байланысты бірінші ауысымның 0-11 (12) сынып оқушылары және колледждердің 1-2 курс студенттері қашықтан оқыту форматына ауыстырылады", - делінген елорданың білім басқармасы таратқан хабарламада.

"Қазгидрометтің" мәліметінше, 7 желтоқсанда Астанада 20 градусқа дейін аяз күтілуде.

Айта кетейік, бүгін де елордада бірінші және екінші ауысымда оқитын оқушылар, сондай-ақ колледждердің 1-2 курс студенттері қашықтықтан оқыған болатын.