Top.Mail.Ru

Сайт нұсқасы

ru kz

Зектілері

Семейде із-түзсіз жоғалған қыздың денесі табылды

Опубликовано:

Адэль Хамзина
Адэль Хамзина. Фото: Іnstagram.com/volontery_semey_lider.kz

Желтоқсанның 4-і күні жоғалып кеткен Семей қаласының тұрғынының денесі табылды. Оның жоғалғаны туралы полицияға қыздың әпкесі арызданған, деп хабарлайды Абай облыстық полиция департаментінің баспасөз қызметіне сілтеме жасаған KAZ.NUR.KZ.

Еріктілердің хабарлауынша, 35 жастағы Адэль Хамзина 4 желтоқсан күні Семейдегі үйінен шығып кетіп, қайта оралмаған.

Абай ауданының полиция департаментінің хабарлауынша, 4 желтоқсан күні 51 жастағы қала тұрғыны хабарласып, жоғалып кеткен сіңлісін іздеуге көмектесуін өтінген.

Полиция мәліметінше, Адэль Хамзинаның денесі Семей шетіндегі Степной ауылының маңынан табылған.

Қазір аталған факті бойынша қылмыстық кодекстің 001 бабы ("Мәйітті табу") бойынша сотқа дейінгі тергеу басталды. Өлімнің себебін анықтау үшін сот-медициналық сараптама тағайындалды.

Мақаланың түпнұсқасы: https://kaz.nur.kz/society/2000763-semeide-iz-tuzsiz-zogalgan-qyz-oli-kuiinde-tabyldy/