Бүгін Қазақстан мегаполистерінде ауа райы қандай болады

"Қазгидромет" РМК өкілдері дүйсенбі, 12 желтоқсан күні Қазақстанның мегаполистерінде ауа райы қандай болатынын болжады. Болжам мемлекеттік метеорологиялық қызметтің ресми сайтында жарияланды.

Синоптиктердің болжамынша, Алматыда бүгін күн бұлтты, жауын-шашын күтілмейді, ауа температурасы -4...-6 градус аралығында болады, желдің жылдамдығы секундына 0-ден 5 метрге дейін.

Астанада да күн жауын-шашынсыз, термометр бағаны -11-ден -13 градусты көрсетеді. Синоптиктер елорда тұрғындарына желдің секундына 7-12 метрге дейін күшейетінін ескертеді.

Ал Шымкент +2 градусқа дейін жылы болмақ, желдің жылдамдығы 5-10 м/с. Мегаполисте жауын-шашын күтілмейді.

Еске салайық, кеше, 11 желтоқсан күні аязға байланысты Екатеринбург-Алматы тас жолында қозғалыс шектелген болатын.