Ақтөбеде жарысқа бара жатқан оқушылардың көлігі апатқа ұшырап, бір бала қаза тапты

Ақтөбеде жарысқа бара жатқан балалар мен жаттықтырушысы болған көлік жол апатына ұшырады. Жол апатынан оқиға орнында бір бала көз жұмып, қалған оқушылар ауруханаға жеткізілді, деп хабарлайды Polisia.kz.

Полиция мәліметінше, жол апаты 17 желтоқсан күні Ақтөбе-Болгарка-Шұбарқұдық тасжолының 68 шақырымында орын алған. Темір ауданының 32 жастағы тұрғыны басқарған "Toyota Estima" автокөлігінде 11 адам болған.

Ведомства хабарлауынша, көліктегі балалардың тоғызы 2010-2011 жылдары туған. Олар Шұбарқұдық ауылынан Ақтөбе қаласына волейболдан жарысқа қатысу үшін шыққан.

Полиция мәліметінше, оқиға орнында бір оқушы көз жұмып, қалған 8 бала Ақтөбе қаласындағы облыстық балалар ауруханасына жеткізілген.

Мақаланың түпнұсқасы: https://kaz.nur.kz/society/2001936-aqtobede-zarysqa-bara-zatqan-oqusylardyn-koligi-apatqa-usyrap-bir-bala-qaza-tapty/