Алматының бас шыршасын жағу рәсімі қашан өтеді

Алматының бас шыршасын жағу рәсімі 20 желтоқсан, сейсенбі күні өтеді, деп хабарлайды Алматы қаласы әкімдігінің ресми Telegram-арнасына сілтеме жасаған KAZ.NUR.KZ тілшісі.

Белгілі болғандай, қаланың бас шыршасын салтанатты түрде жағу рәсімі 20 желтоқсан күні Абай алаңында кешкі сағат 19:00-де өтеді.

Қала әкімдігінің баспасөз қызметі, сонымен бірге, шыршаны жағу рәсімінен кейін қазақ эстрадасы жұлдыздарының қатысуымен мерекелік концерт ұйымдастырылатынын айтады.

Айта кетейік, бұған дейін Астанада қаланың бас шыршасы бүгін, 19 желтоқсанда жағылатыны белгілі болған еді.