Top.Mail.Ru

Сайт нұсқасы

ru kz

Зектілері

Тоқаев Амангелді Айталының отбасы мен жақындарына көңіл айту жеделхатын жолдады

Опубликовано:

Қасым-Жомарт Тоқаев
Қасым-Жомарт Тоқаев. Фото: Ақорда

Мемлекет басшысы Қасым-Жомарт Тоқаев ғалым, қоғам қайраткері Амангелді Айталының отбасы мен жақын туыстарына көңіл айту жеделхатын жолдады, деп хабарлайды "БОРТ №1" Telegram арнасы.

Мемлекет басшысы аса көрнекті ғалым, қоғам қайраткері, Қазақстан Республикасы парламенті мәжілісінің II және III шақырылымдарының депутаты Амангелді Айталының дүниеден өтуіне байланысты оның отбасы мен жақын туыстарына көңіл айтты.

"Амангелді Әбдірахманұлы ұзақ жылдар бойы білім және ғылым саласында жемісті жұмыс істеді. Соның ішінде Ақтөбе мемлекеттік педагогикалық институтында жоғары білікті мамандар даярлау ісіне мол еңбек сіңірді.

Мәжіліс депутаты болған кезінде отандық заңнаманы жетілдіруге және парламентаризмді дамытуға атсалысты. Қажырлы қызметімен еліміздің өркендеп дамуына өз үлесін қосып, соңына жарқын із қалдырған Амангелді Әбдірахманұлының есімі мен бейнесі ұмытылмайды. Марқұмның иманы саламат, жаны жәннатта болсын", – деп жазылған жеделхатта.

Еске салайық, 83 жасқа қараған шағында мәжілістің экс-депутаты, қоғам қайраткері, профессор, философия ғылымының докторы Амангелді Айталы өмірден озды.

Мақаланың түпнұсқасы: https://kaz.nur.kz/society/2002441-toqaev-amangeldi-aitalynyn-otbasy-men-zaqyndaryna-konil-aitu-zedelxatyn-zoldady/

pixel