Бүгін еліміздің ірі қалаларында ауа райы қандай болады

Синоптиктер бүгін, 22 желтоқсан еліміздің ірі қалаларына арналған ауа райы болжамын ұсынды, деп хабарлайды "Қазгидромет" РМК.

Синоптиктердің болжамынша, Астанада қар жауып, күн ала бұлтты. Күндіз ауа температурасы-17…-19 градусты болса, түнде -29…-31 градус аязды көрсетеді. Желдің жылдамдығы 7-12 м/с-ке дейін жетеді.

Алматыда да күн ала бұлтты, қар жауады деп күтілуде. Ауа температурасы -2…-4 градус болады деп болжанып отыр. Түнде сынап бағанасы -10…-12 градусқа дейін төмендейді деп күтілуде. Желдің жылдамдығы – 2-7 м/с-ті көрсетеді.

Шымкентте бүгін метеорологтар күн ашық, ала бұлтты болады деп болжап отыр. Күндіз қалада ауа температурасы -1…+1 градусты көрсетсе, түнде -10…-12 градус аяз болады. Ал желдің жылдамдығы 8-13 м/с-ке дейін жетуі ықтимал.

Мақаланың түпнұсқасы: https://kaz.nur.kz/society/2002525-bugin-elimizdin-iri-qalalarynda-aua-raiy-qandai-bolady/