Қазақстан мегаполистерінің бірінде күн 6 градусқа дейін жылынады

Синоптиктер сенбі, 24 желтоқсанға арналған ауа райы болжамын жариялады. Мегаполистердің бірінде күн жылы болады. Ақпарат "Қазгидромет" РМК ресми сайтында жарияланған.

24 желтоқсанда Астанада қар жауады деп күтілуде. Ауа температурасы күндіз: -4...-6 градус. Желдің жылдамдығы секундына 9-14 метр, ал түнде екпіні секундына 15-20 метрге жетеді.

Алматыда сенбі күні жауын-шашын болмайды, бірақ көшпелі бұлт шығады. Күндіз ауа температурасы -2...-4 градус болады. Желдің жылдамдығы секундына 0-5 метр.

Шымкентте синоптиктердің болжамынша, бүгін күндіз +4...+6 градусқа дейін жылынады. Сондай-ақ көшпелі бұлт шығады деп күтілуде. Желдің жылдамдығы секундына 2-7 метр.

Мақаланың түпнұсқасы: https://kaz.nur.kz/society/2002882-qazaqstan-megapolisterinin-birinde-6-gradusqa-deiin-zylynady/