"Тарихты бұрмалауға жол бермеу керек": Қошанов қаңтар оқиғасы туралы айтты

Опубликовано:

Қаңтар оқиғасы кезіндегі Алматы
Қаңтар оқиғасы. Фото: NUR.KZ/Владимир Третьяков

Мәжілістің қаңтар трагедиясына арналған арнайы отырысының қорытындысы бойынша палата спикері Ерлан Қошанов тәртіпсіздікті ұйымдастырушылардың көздегені – қантөгіспен болсын, қандай да жолмен болсын билікті басып алу болғанын атап өтті, деп хабарлайды палатаның ресми Telegram-арнасы.

"Бұл, ашығын айтқанда, Тәуелсіздікке жасалған қастандық болатын! Бірақ халқымыздың ақыл-парасаты мен бірлігінің, президентіміздің ерік-жігерінің арқасында мемлекеттігімізді сақтап қалдық. Бүлікшілердің басты мақсаты – халықты үрейлендіріп, қоғамды аласапыран қылып, президентті қызметінен кетуге мәжбүрлеу еді.

Мен мемлекет басшысының осындай қиын жағдайда мойнына ауыр жауапкершілік алып, батыл шешімдер қабылдағанына куә болдым", – деді спикер.

Ерлан Қошанов өз тарихымызды бұрмалауға жол бермеуіміз керектігін, сол үшін құқық қорғау органдары барлық болған жағдайдың анық-қанығын мұқият тергеп-тексеріп жатқандығын баса айтты.

Бұл мәселе әрдайым депутаттардың басты назарында, тұрақты бақылауында болады.

Мақаланың түпнұсқасы: https://kaz.nur.kz/society/2004311-tarixty-burmalauga-zol-bermeu-kerek-qosanov-qantar-oqigasy-turaly-aitty/