Елімізде коронавирусқа шалдыққандар саны күрт өсті

Елімізде соңғы аптада коронавирусқа шалдыққандар саны күрт өсті. Мәселен, өткен тәулікте Қазақстанда COVID-19 жұқтырғандар саны 211-ді құрады. Бұл туралы денсаулық сақтау министрлігінің ресми сайты хабарлады.

Ведомствоның мәліметінше, бір тәулік ішінде тағы сегіз адамнан ковидті пневмония анықталған.

Сондай-ақ 6 қаңтардағы мәлімет бойынша, 2 589 адам коронавирус инфекциясынан емделіп жатқаны, оның ішінде 283 пациент стационарда, 2 306 науқас амбулаториялық деңгейде ем қабылдап жатқаны белгілі болды.

Бұған қоса КВИ-ға шалдыққандардың арасында:

• 12 адамның жағдайы ауыр,
• 5 пациенттің жағдайы өте ауыр,
• 3 науқас ӨЖЖ аппаратында жатыр.

Айта кетейік, COVID-19-ға шалдыққан науқастар санының күрт өсуі 3 қаңтар, дүйсенбіден басталған еді. Осылайша, тек өткен тәулікте елімізде 115 адамнан КВИ анықталған болса, оның алдындағы тәулікте ел бойынша COVID-19 жұқтырғандар саны 87 адам болатын.