Павлодарда әйеліне ашулы ер адам бесінші қабаттан заттар лақтырған

Опубликовано:

Терезеден киім лақтырып жатқан сәт
Терезеден киім лақтырып жатқан сәт. Көрнекі фото: pavlodarnews.kz

Павлодарда әйеліне ашулы ер адам бесінші қабаттан заттарды лақтырған. Тәртіп сақшылары ерлі-зайыптылармен осындай фактілерге жол бермеу және абаттандыру ережелерін сақтау туралы профилактикалық әңгіме жүргізді, деп хабарлайды pavlodarnews.kz.

Облыстық полиция департаменті баспасөз қызметінің мәліметінше, Павлодар қаласы полиция басқармасы Солтүстік полиция бөлімінің кезекші бөліміне көпқабатты үйдің тұрғындарының бірі көмек сұрағаны туралы шақыру түскен.

“Оқиға орнына келген тәртіп сақшыларына әйел адам бірге тұратын ер адаммен дәмханадан оралғаннан кейін үйде  сүйіктісі жанжал шығарып, тұрмыстық заттарды бесінші қабаттың терезесінен аулаға лақтырып жібергенін  айтты. Ол  ер адамға қатысты шағымданғанымен өтініш жазудан бас тартты”, —  дейді департаментте. 

Полицейлер отбасылық-тұрмыстық салада құқық бұзушылық жасағаны үшін ер адамға қатысты қорғау ұйғарымын шығарды. Сонымен қатар, тәртіп бұзушы аулаға шашқан заттарды жинады.

Айта кетерлігі, өңір тұрғындары 4086 отбасылық-тұрмыстық құқық бұзушылық жасаған. Сондай-ақ, аймақтың 6678 тұрғыны абаттандыру ережелерін бұзған.

Мақаланың түпнұсқасы: https://kaz.nur.kz/society/2004474-pavlodarda-aieline-asuly-er-adam-besinsi-qabattan-zattar-laqtyrgan/