Қостанай облысында полиция қызметкерлері күдікті бопсалаушылар тобын ұстады (видео)

Опубликовано:

Қостанай облысында ұсталған күдікті
Күдіктінің ұсталған сәті. Видеодан кадр: Рolisia.kz

Қостанай облысында полиция қызметкерлері ұзақ уақыт бойы облыс аумағында бопсалаумен айналысып келген болуы мүмкін деп күдіктелген қылмыстық топты ұстады, деп хабарлайды Polisia.kz.

Полицияның хабарлауынша, Қостанай облысының Ұйымдасқан қылмысқа қарсы күрес басқармасының қызметкерлері ұзақ уақыт бойы облыс аумағында бопсалаумен және өзге де қылмыс түрлерімен айналысқан болуы мүмкін деп күдіктелген қылмыстық топты ұстаған.

Қостанай облысы ПД Ұйымдасқан қылмысқа қарсы күрес басқармасының бастығы Серік Байғоновтың айтуынша, жедел әзірлік нәтижесінде облыстың түрлі өңірлерінде бопсалауға және басқа да қылмыс түрлеріне қатысы бар 10 күдікті адам ұсталды.

"Қылмыстық топ облыс тұрғындарына қатысты 12 қылмыстық құқық бұзушылық жасады деген күдікке ілінген. Олардың арасында кәсіпкерлер де бар. Жалпы шығын 10 млн теңгеден асты", – делінген хабарламада.

Қазіргі уақытта қажетті тергеу әрекеттері жүргізіліп жатыр.

Мақаланың түпнұсқасы: https://kaz.nur.kz/society/2004707-qostanai-oblysynda-policiya-qyzmetkerleri-kudikti-bopsalausylar-tobyn-ustady-video/