Қоғам

Маңғыстау облысында аудандық полиция бөлімі бастығының орынбасары ұсталды

Жарияланған күні: 10 қаңтар 2023, 13:28

Кісен салу — Қолына кісен салынған күдікті. Көрнекі фото: NUR.KZ/Владимир Третьяков

Маңғыстау облысында Бейнеу аудандық полиция бөлімі бастығының орынбасары ұсталды, деп хабарлайды Telegram-дағы "ҚР ІІМ жаңалықтары" арнасы.

Ведомствоның мәліметінше, 9 қаңтарда жедел-іздестіру іс-шараларын өткізу барысында Маңғыстау облысы бойынша ҰҚКД және Маңғыстау облысы полиция департаментінің Өзіндік қауіпсіздік басқармасының қызметкерлері Бейнеу аудандық полиция бөлімі бастығының орынбасары Т. Есбағанбетовты ұстаған.

Полиция қызметкері сыбайлас жемқорлық құқықбұзушылығын жасады деген күдікке ілінген.

"Қазіргі уақытта тергеу әрекеттері жүргізілуде. Тергеу мүддесі үшін өзге ақпарат жария етілмейді", - делінген ІІМ хабарламасында.

Мақаланың түпнұсқасы: https://kaz.nur.kz/society/2004793-mangystau-oblysynda-audandyq-policiya-bolimi-bastygynyn-orynbasary-ustaldy/