Алматыда таңғы уақытта интернеттің істен шығу себебі белгілі болды
Жарияланған күні:
Бүгін, 10 қаңтарда Алматы тұрғындары интернеттің жұмысындағы ақауға шағымданды. Таңғы уақытта интернеттің істен шығуына не себеп болғаны белгілі болды, деп жазады KAZ.NUR.KZ.
Алматы қаласының кейбір тұрғындары бүгін сағат 11:30 шамасында интернетке кіре алмаған.
Пайдаланушылар жарты сағат бойы интернеттің қолжетімдігіне байланысты ақау болғанын, желідегі байланыстың қайта-қайта үзілгенін атап өтті.
"Мемлекеттік техникалық қызмет" Zakon.kz сайтына хабарлағандай, бүгін "Қазақтелеком" АҚ-ның Алматы деректерді өңдеу орталығында жүргізіліп жатқан жұмыстар кезінде сағат 10:55-те электр энергиясының істен шығуы себебінен белсенді жабдықта қысқа мезімді ақау тіркелген.
Қайта іске қосу жүргізілген соң жабдық штаттық режимде қайта жұмыс істей бастаған.
Мақаланың түпнұсқасы: https://kaz.nur.kz/society/2004837-almatyda-tangy-uaqytta-internettin-isten-sygu-sebebi-belgili-boldy/
