Top.Mail.Ru

Сайт нұсқасы

ru kz

Зектілері

"17 жасында үйінен кетіп қалған": Түркістандық тергеушілер 25 жыл бұрын жоғалып кеткен әйелді туғандарымен қауыштырды

Опубликовано:

Кроссовка киген әйел адам
Көрнекі сурет: pixabay.com

Түркістандық тергеушілер 25 жыл бұрын із-түссіз кеткен шетелдік әйелді жақындарымен қауыштырды. Бұл туралы polisia.kz сайтына сілтеме жасаған KAZ.NUR.KZ хабарлайды.

Өткен жылдың наурыз айында Түркістан облысы Сарыағаш аудандық полиция бөліміне көршілес қаладағы полиция бөлімінен Өзбекстан Республикасының азаматы, яғни үй-күйсіз (аты-жөні белгісіз, құжатсыз) жүрген 40-тан асқан әйелдің ісі келіп түскен.

Онда Шымкент қаласындағы дағдарыс орталығына түскен өзбекстандық әйел Сарыағаш ауданында притонда сексуалдық құлдықта болғанын, 10 жасында әке-шешесі Өзбекстан Республикасына белгісіз біреулерге сатып жібергенін айтқан.

Осы іс бойынша сарыағаштық полицейлер жан-жақты тергеу әрекеттерін жүргізді. Сол жылдың қарашасында іс Түркістан облысы ПД-ның өндірісіне қабылданды. Тергеу барысында сот-медициналық, сот-психиатриялық сараптамалары тағайындалды. Оның жақын таныстарынан жауап алынды. Осыдан соң желтоқсан айында Ішкі істер министрлігі арқылы Өзбекстан Республикасына жәбірленушінің жеке басын анықтау мен оған қатысты шынында адам саудасы қылмысы орын алған немесе алмағандығын анықтау үшін халықаралық тапсырма жолданды.

Полиция департаментімен жүргізілген жүйелі жұмыс нәтижесінде департамент қызметкерлері Өзбекстан Республикасы Қашқадария облысы ШаҺрисабз ауданы Сарчашма ауылынан жәбірленушінің әке-шешесі, туған-туыстарын анықтап, олармен кездесу жұмыстарын жүргізді.

Түркістан облысы полиция департаментінің полицейлері әйелдің заңды түрде құжаттануы үшін қажетті шаралардың барлығын атқарып, жеке куәлігі мен төлқұжатын алуға ықпал етті. Қазіргі таңда жәбірленушінің өз еліне оралуына жағдай жасалынып жатыр. Анықталғандай, жәбірленуші 17 жасында үйінен кетіп қалған. Ал жәбірленушінің құлдықта болдым, әке-шешем сатып жіберген деген уәждері дәлелін таппай ҚР ҚПК-нің 35-бабының 1-бөлігінің 2-тармағымен тоқтамға алынды.

Мақаланың түпнұсқасы: https://kaz.nur.kz/society/2007675-17-zasynda-uiinen-ketip-qalgan-turkistandyq-tergeusiler-25-zyl-buryn-zogalyp-ketken-aieldi-tugandarymen-qauystyrdy/

pixel