Top.Mail.Ru

Сайт нұсқасы

ru kz

Зектілері

Шымкентте білім басқармасының лауазымды қызметкері пара алды деген күдікпен ұсталды

Опубликовано:

Кісен
Кісен. Көрнекі фото: pixabay.com

Шымкентте бірнеше рет пара алды деген күдікпен білім басқармасының лауазымды қызметкері ұсталды. Бұл туралы өңірлегі Сыбайлас жемқорлыққа қарсы қызметтің басшысы Дәурен Ерғарин өзінің Facebook парақшасында хабарлады.

Ерғариннің сөзінше, Шымкент қаласының қалалық білім басқармасының тағы бір лауазымды тұлғасы ұсталды.

Ол жекеменшік мектепке дейінгі мекемелерге қатысты тексерулер жүргізбегені және олардың кәсіпкерлік қызметіне жалпы қамқорлығы үшін кәсіпкерлерден бірнеше рет пара алды деген күдікке ілінген.

"Бейінді басқарманың жетекші маманы кінәсін мойындады. Тергеу жалғасуда", - деп жазды Ерғарин.

Сондай-ақ Дәурен Ерғарин тергеу мүддесіне орай өзге ақпарат жарияланбайтынын атап өтті.

Айта кетейік, бұған дейін Шымкентте қалалық білім бөлімінің бас маманы ұсталғанын жазған едік. Ол балабақша меңгерушілерінен пара алды деген күдікке ілінген.

Мақаланың түпнұсқасы: https://kaz.nur.kz/society/2008307-symkentte-bilim-basqarmasynyn-lauazymdy-qyzmetkeri-para-aldy-degen-kudikpen-ustaldy/

pixel