Қар, көктайғақ, тұман: Алдағы күндері Қазақстанда ауа райы қандай болады

"Қазгидромет" РМК синоптиктері Қазақстан бойынша 9-11 ақпанға арналған ауа райы болжамын ұсынды.

Метеорологтардың мәліметінше, оңтүстік, шығыс, солтүстік және солтүстік-батыста ауа райы тұрақсыз болады.

Еліміздің оңтүстігі мен оңтүстік-шығысында 9 ақпанда қатты жауын-шашын, 10 ақпанда қатты қар жауады деп күтілуде. Сондай-ақ аталған өңірлерде көктайғақ болуы ықтимал.

Алдағы күндері республика бойынша тұман, бұрқасын және жел күшейеді деп болжануда.

Синоптиктердің болжамынша, 11 ақпанда оңтүстік және оңтүстік-шығыс аймақтарда жауын-шашын біртіндеп тоқтап, түнде ауа температурасы -8...-21 градусқа дейін төмендейді.