Қазақстандықтар көлігіне сәнді нөмір алу үшін 6 млрд теңге жұмсаған

Соңғы бір жылда қазақстандық көлік жүргізушілері сәнді мемлекеттік нөмір алуға шамамен 6 млрд теңге жұмсаған. Сәнді нөмірлерді ең көп сатып алған - Алматы тұрғындары, деп хабарлайды KAZ.NUR.KZ КТК арнасына сілтеме жасап.

Телеарнаның "Азаматтарға арналған үкімет" Мемлекеттік корпорациясына" сілтеме жасап хабарлауынша, ең қымбат көлік нөмірлері - екі нөлден басталатын бірдей әріптері бар комбинациялар.

VIP санатқа үш жетіден тұратын нөмірлер де кіреді. Мұндай мемлекеттік нөмірлер 285 АЕК, яғни 873 мың теңге шамасында тұрады.

Телеарнаның атап өтуінше, сондай-ақ мұндай нөмірлер Алматы тұрғындарының арасында сәнде.

Былтыр алматылықтар ерекше 7 мың нөмір сатып алған. Соның арқасында мемлекет бюджетіне 2 млрд 365 млн теңге түскен.

Дереккөз: КТК арнасы

Мақаланың түпнұсқасы: https://kaz.nur.kz/society/2009608-qazaqstandyqtar-koligine-sandi-nomir-alu-usin-6-mlrd-tenge-zumsagan/