Полиция Алматыдағы мектептердің бірінде теңіз шошқасын союға қатысты тергеуді бастады

Алматы полицейлері қаладағы жекеменшік мектептердің бірінде теңіз тышқанын союға қатысты пікір білдірді, деп хабарлайды ІІМ ресми Telegram-арнасы.

"Алматы қалалық ПД бұл дерек ҚР ҚК-нің 316-бабы бойынша Әуезов аудандық ПБ-на қарасты полиция бөлімінде тіркелгенін хабарлайды", - деп жазылған хабарламада.

Еске салсақ, Алматыда жекеменшік мектептердің бірінде оқушылар мұғаліммен бірге теңіз тышқанын сойғаны белгілі болған еді.

Аталған оқиғаға қатысты қаланың білім басқармасы да пікір білдірген болатын. Ведомство өкілдері мектеп ұстаздарына алдағы уақытта осыған ұқсас фактілерге жол бермеу жөнінде түсіндіру жұмыстары жүргізілгенін хабарлаған еді.