Алматыдан 450 шақырым жерде екі рет жер сілкінді

Бүгін Алматының оңтүстік-шығысында Қытай аумағында магнитудасы 5,3 және 4,5 болатын екі жер сілкінісі болды. Бұл туралы ТЖМ "Сейсмологиялық тәжірибе-әдістемелік экспедициясының" ресми сайтында хабарланды.

"ТЖМ "Сейсмологиялық тәжірибе-әдістемелік экспедициясы" ЖШС сейсмикалық станциялар желісі 2023 жылғы 22 ақпанда Алматы уақытымен 16:25:56 – да (2023 жылғы 22 ақпанда Гринвич бойынша 10:25:56-да) жер сілкінісі тіркелді", – делінген хабарламада.

Бұл дүмпудің эпицентрі Қытай аумағында Алматы қаласынан оңтүстік-шығысқа қарай 439 шақырым жерде орналасқан. Магнитудасы 5,3 болды.

7 минуттан кейін Алматыдан оңтүстік-шығысқа қарай 450 шақырым жерде, тағы да Қытай аумағында екінші жер сілкінісі тіркелді. Оның магнитудасы – 4,5.

Мамандардың айтуынша жер сілкінісінің сезілетіндігі туралы ақпарат болмаған.