Қазақстандағы ауасы ең лас қалалар аталды

"Қазгидромет" мамандары ауа сапасын жақсартуға бағытталған Орталық Азия конференциясында Қазақстандағы ауасы ең лас қалаларды атады, деп хабарлайды Хабар24 арнасы.

Мамандардың айтуынша, еліміздегі ауасы ең лас қалалардың көшін Қарағанды, Теміртау, Алматы және Астана шаһарлары бастап тұр.

Жиынға қатысқан халықаралық сарапшылар мұндай проблема Қазақсанда ғана емес, сонымен қатар Орталық Азияның өзге де елдерінде байқалып отырғанын атап өткен.

Мамандар ауаның қатты ластануын жылу электр орталықтарынан, көмір жағатын жеке секторлардан, өнеркәсіптік өндіріс ошақтарынан бөлінетін зиянды қалдықтарымен және көшедегі көліктердің көптігімен байланыстырып отыр.

Бұл ретте, мамандар ауа сапасын жақсарту үшін тез арада атмосфералық ауа сапасының жаңа стандарттарына көшу жөніндегі іс-қимылдар жоспарын әзірлеу қажеттігін айтады.

Мәтіннен қате тапсаңыз, бізге жазыңыз