Top.Mail.Ru

Сайт нұсқасы

ru kz

Зектілері

Жаңбыр, тұман, көктайғақ: Қазақстан мегаполистерінде бүгін ауа райы қандай болады

Опубликовано:

тұманды күн
Тұманды күн. Көрнекі фото: NUR.KZ/Владимир Третьяков

Синоптиктер, жұма, 24 ақпанға арналған ауа райы болжамын ұсынды. Оған сәйкес жұмада Алматыда күн жауын-шашынсыз болса, Астана мен Шымкентте дауылдық ескерту жарияланды, деп хабарлайды "Қазгидромет" РМК.

Синоптиктердің мәліметінше, бүгін Алматыда күн ала бұлтты болады, десе де жауын-шашын жаумайды. Күндіз +13...+15 градус, түнде 0...+2 градус жылы болады. Желдің жылдамдығы 0-5 м/с.

Астана тұрғындарын қолайсыз ауа райы күтіп тұр. Күндіз -7...-9 градус суық болып, желдің жылдамдығы 15-20 м/с-қа дейін жетуі мүмкін. Ал түнде термометр көрсеткіштері -18...-20 градусқа дейін төмендейді.

Сондай-ақ қалада боран мен көктайғаққа байланысты дауылдық ескерту жарияланды. Полицияның хабарлауынша, қолайсыз ауа райына байланысты 23 ақпанда қаладан шығатын жолдардың барлығы жабылған.

Шымкентте де бүгін қатты жауын-шашынға (жаңбыр, қар түрінде) сондай-ақ тұман, көктайғақ және жылдамдығы 15-20 м/с-ке дейін жететін күшті желге байланысты дауылдық ескерту жарияланды.

Дегенмен, үшінші мегаполисте күндіз +14...+16, түнде 0...+2 градус жылы болмақ.

Мақаланың түпнұсқасы: https://kaz.nur.kz/society/2010670-zanbyr-tuman-koktaigaq-qazaqstan-megapolisterinde-bugin-aua-raiy-qandai-bolady/