Желіде Алғыс айту күніне арналған челлендж басталды
Опубликовано:
БАҚ және желідегі пабликтерде жұртшылыққа арналған Алғыс айту күніне орай челлендж басталды. Онда қазақстандықтарды жақындарына телефон соғып, алғыс айтуға шақырған, деп хабарлайды KAZ.NUR.KZ.
Instagram желісіндегі kazakh_inform парақшасы айтулы күнге байланысты оқырмандарға челлендж ұсынып, жазба қалдырды.
"1 наурыз - достарыңыз бен жақындарыңызға ғажап көңіл-күй үшін алғыс айтудың керемет мүмкіндігі. Мүмкіндікті пайдаланыңыз және ең жақын адамдарыңызға қоңырау шалып, сіздің өміріңізде бар болғаны үшін алғыс айтыңыз!" – делінген жазбада.
Сондай-ақ Instagram желісіндегі qazaqstan.24 паблигі де челленджді қоштап, оқырмандарын жақындарына қоңырау шалуға шақырды.
"1 наурыз сағат 12:00-де жақындарыңа қоңырау шалып, рақмет айт" - деп жазба қалдырды.
Идеяны қолдаған Қазнет қолданушылары айтулы күнге арналған челенджді бөлісіп жатыр.
Жазбалардың астында да оқырмандар жақындарын белгілеп, алғыс айтуды жөн көрген.
Айта кетейік, көктемнің алғашқы күнімен тұспа-тұс келетін бұл мереке 2016 жылдан бері тойланып келеді. Сол жылы алғыс айту күні Қазақстан Республикасының бірінші президенті Нұрсұлтан Назарбаевтың жарлығымен елдегі мерекелер тізіміне енгізілген болатын.
Сондай-ақ бүгін президент Қасым-Жомарт Тоқев қазақстандықтарды Алғыс айту күнімен құттықтады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/leisure/holidays/2011288-zelide-algys-aitu-kunine-arnalgan-cellendz-bastaldy/