Алдағы демалыс күндері елімізде 24 градусқа дейін күн жылынады

Синоптиктер 4-6 наурызға арналған ауа райы болжамын ұсынды, деп хабарлайды KAZ.NUR.KZ "Қазгидоромет" РМК ресми сайтына сілтеме жасап.

Метеорологтардың мәліметінше, алдағы демалыс күндері ел аумағында жауын-шашын (жаңбыр, қар түрінде) көктайғақ, екпінді жел күтіледі.

Сондай-ақ солтүстік аймақтарда бұрқасын болып, республиканың оңтүстік жартысында жаңбыр, таулы аймақтарда қатты жаңбыр жауып, найзағай ойнауы ықтимал.

Сонымен қатар мамандар демалыс күндері кей аймақтарда ауа температурасының жоғарлайтынын болжап отыр.

Мәселен, Қазақстанның батысында түнде 0-10 градус аралығында суық болса, күндіз 0-11 градус аралығында жылы болмақ.

Ал оңтүстік-батыста түнде 5-3 градус, күндіз 7-15 градус, оңтүстікте, оңтүстік-шығыста күндіз 5-15 және 15-24 градусқа дейін жылы болады деп күтілуде.

Дегенмен, синоптиктер еліміздің солтүстік, орталық және шығыс өңірлерінде аяз сақталатынын айтады.

Мәтіннен қате тапсаңыз, бізге жазыңыз