ТЖД қар көшкіні қаупіне байланысты алматылықтарға үндеу жасады

Алматы Төтенше жағдайлар департаменті қар көшкіні жүру қаупіне байланысты қалалықтарға үндеу жасады, деп хабарлайды KAZ.NUR.KZ ведомствоның баспасөз қызметіне сілтеме жасап.

Дауылдық ескертуге сілтеме жасаған құтқарушылардың хабарлауынша, 5-7 наурыз аралығында Үлкен және Кіші Алматы өзендерінің бассейндерінде қар көшкіні жүруі мүмкін.

"Осыған байланысты қар көшкінін тудырмас үшін қар басқан беткейлерге шығу ұсынылмайды, тауға барудан бас тартқан дұрыс", - делінген хабарламада.

Сонымен қатар құтқарушылар тауда қалған туристерден барлық қауіпсіздік шараларын сақтауды сұрады.