Алдағы мереке күндері Халыққа қызмет көрсету орталықтары қалай жұмыс істейді

"Азаматтарға арналған үкімет" мемлекеттік корпорациясы алдағы мереке күндері елдегі Халыққа қызмет көрсету орталықтары қалай жұмыс істейтінін айтты, деп хабарлайды KAZ.NUR.KZ.

"Азаматтарға арналған үкімет" мемлекеттік корпорациясы Халықаралық әйелдер күні мен Наурыз мейрамына байланысты 8, 21, 22 және 23 наурызда Қазақстанның ХҚКО-лары мен МХҚКО-лары жұмыс істемейтінін хабарлайды", – делінген корпорацияның хабарламасында.

Айта кетейік, осы аптада 6, 7, 9 және 10 наурыз күндері ХҚКО-лар мен МХҚО-лар әдеттегі кесте бойынша жұмыс істейді. Ал 11 наурыз, сенбі күні кезекші ХҚКО-лар сағат 13-00-ге дейін азаматтарды қабылдайды.

ХҚКО-лар жұмыс күндері сағат 9-00-ден 18-00-ге дейін, ал кезекші ХҚКО-лар жұмыс күндері 9-00-ден 20-00-ге дейін жұмыс істейді. Сенбі күні сағат 9-00-ден 13-00-ге дейін ашық.

Сондай-ақ корпорация Астана, Шымкент және Қызылорда қалаларында кезекші ХҚКО-лардың мекенжайлары өзгергенін хабарлады.

"Елордада Иманов к-сі, 20, Сәтбаев к-сі, 25 және 20-40 к-сі, 2 мекенжайларында орналасқан кезекші ХҚКО-лар жұмыс күндері сағат 20-00-ге дейін қабылдайды", – деп ескертті мамандар.