Алматыда көлік көпірден құлап кетті: зардап шеккендердің қазіргі жағдайы қалай
Опубликовано:
Алматыдағы Рысқұлов даңғылында көпірден құлаған көлікте болған үш адамның жағдайы ауыр, деп хабарлайды қалалық Қоғамдық денсаулық сақтау басқармасына сілтеме жасаған KAZ.NUR.KZ
Алматы қалалық Қоғамдық денсаулық сақтау басқармасы баспасөз қызметінің мәліметінше, жол апатынан зардап шеккендер дереу жедел жәрдем қызметімен ауруханаға жеткізілді.
4 адамға бас сүйек-ми жарақаты, сүйек сыну және түрлі дәрежедегі дене жарақаттары диагнозы қойылған.
"Тиісті медициналық көмек көрсетілген соң зардап шеккендердің бірі амбулаторлық ем қабылдауға жіберілді, үшеуі ауруханаға жатқызылды. Оның екеуі жансақтау бөлімінде жатыр. Қазір жағдайлары ауыр деп бағаланды. Тағы бір адамның жағдайы орташа ауыр деп бағаланды. Ол №7 қалалық клиникалық аурухананың нейрохирургия бөліміне жатқызылды", - деп хабарлады қалалық денсаулық сақтау басқармасының баспасөз қызметі.
Еске салайық, кеше, 19 наурызда Рысқұлов даңғылының бойымен батыс бағытта жүріп келе жатқан Volkswagen көлігінің жүргізушісі маневр жасау барысында Toyota көлігімен соқтығысып, салдарынан Toyota көлігі көпірден құлап кеткен еді.
Мақаланың түпнұсқасы: https://kaz.nur.kz/society/2013558-almatyda-kopirden-qulagan-kolikte-bolgandardyn-qazirgi-zagdaiy-belgili-boldy/
