Өскеменде енесін тонаған келін сотталды

Өскемен қаласының тұрғыны қайын енесіне жасаған жағымсыз іс-әрекетінен кейін сот алдында жауап берді. Бұл ретте оның өтелмеген соттылығы болған, деп хабарлайды KAZ.NUR.KZ YK-news.kz

Іс материалдарынан белгілі болғандай, былтыр тамыз айында Өскемен қаласының тұрғыны келінінің ұялы телефонын ойланбастан пайдаланып, өзінің зейнетақы шотына кірген.

Осыдан соң әйел қосымшаны жабады, бірақ аккаунтын өшіруді ұмытып кеткен. Телефонынан енесінің аккаунтын тауып алған жас келіншек ондағы шотты тексеріп, 111 мың теңге қалғанын көреді. Содан ол соманың бір бөлігін құрбысының картасына аударған, ол оның өтініші бойынша банкоматтан ақшаны шешіп алып, досына береді.

Келесі күні қала тұрғыны шоттағы ақшаны толықтай иемденіп алған. Ол енесінің картасынан алынған ақшаның бәрін жұмсап жібереді.

Ақшасының жоғалғанын байқаған зейнеткер келінінің қылығына қатты таң қалған. Келіні өкініп, ақшаның бәрін қайтаруға уәде берген.

Нәтижесінде, бұрын өтелмеген жазаны қосу кезінде әйелге 2,5 жылға бас бостандығын шектеу жазасы тағайындалды. Сот үкім шығарар кезде оның асырауында жас баласы бар екенін ескерген.