Ақтөбеде Наурыз мерекесіне орай бос жұмыс орындары жәрмеңкесі өткізілді

Ұлыстың ұлы күні - Наурыз мерекесіне орай осы жылдың алғашқы қалалық бос жұмыс орындары жәрмеңкесі өткізілді. Мақсаты - жұмыссыздық деңгейінің өсуіне жол бермеу, экономикалық-әлеуметтік тұрмысты жақсарту.

Жәрмеңкеге техникалық, өндірістік және қызмет көрсету саласы бойынша 20-дан астам мекемелер мен кәсіпорындар қатысып 300 бос жұмыс орнын ұсынды: Ақтөбе қаласы ПБ Алматы ауданы №3 қалалық полиция бөлімі, "Қоғамдық даму орталығы" КММ, "Отбасын қолдау орталығы" КММ, "Аяла" өмірлік қиын жағдайдағы балаларды қолдау орталығы" КММ, "Ақтөбе ТЭЦ" АҚ, "Тілашар" Оқу орталығы", "Aqtobe su-energy group" АҚ, "Завод ЖБИ-25" ЖШС, "Анвар" ЖШС және т.б.

Ұсынылған бос жұмыс орындары: заңгер, есепші, мониторинг бөлім басшысы, заң бөлімінің басшысы, кадр маманы, ағалшын тіл пәнінің мұғалімі, директордың оқу-тәрбие жөніндегі орынбасары, психолог, бастауыш сынып мұғалімі, математика пәнінің мұғалімі, арматуршы, газ-электр дәнекерлеуші, дәнекерлеуші, автобус жүргізушісі, күзетші және т.б.

Жәрмеңке барысында жұмыссыздарға тұрақты бос жұмыс орындарымен қатар, "Ұлттық жоба" аясында белсенді шаралар және атаулы әлеуметтік көмектің тағайындалу жолдары туралы ақпараттық-түсіндіру жұмыстары жүргізілді.

Бүгінгі күні Ақтөбе қаласы бойынша Электронды еңбек биржасы (www.enbek.kz) порталында 1776 бос жұмыс орны және 2917 түйіндеме орналастырылған.