Ақтөбеде полиция бөлімі басшыларының біріне қатысты қылмыстық іс қозғалды

Ақтөбе қаласындағы №3 полиция бөлімі басшыларының біріне қатысты сотқа дейінгі тергеу басталды, деп хабарлайды Telegram-дағы "ҚР ІІМ жаңалықтары" арнасы.

"Ақтөбе облысы ПД-нің Өзіндік қауіпсіздік басқармасының қызметкерлері сыбайлас жемқорлық құқық бұзушылығын жасады деген күдік бойынша Ақтөбе қаласы №3 полиция бөлімі басшыларының біріне қатысты қылмыстық істі, яғни сотқа дейінгі тергеп-тексеруді бастады", – делінген ІІМ хабарламасында.

Ведомство қылмыстық істі тергеу шеңберінде өзге де ақпарат ҚПК-нің 201-бабына сәйкес жария етуге жатпайтынын атап өтті.

"Полиция қызметкерлері тарапынан құқық бұзушылықтар туралы ақпаратты сенім телефоны арқылы хабарлауға болады: 8/7132/52-16-91. Анонимділікке кепілдік беріледі", – деп қосты ІІМ өкілдері.