Алматыда қуаты 2 балдық жер сілкінісі сезілді

Бүгін, 5 сәуірде еліміздің Төтенше жағдайлар министрлігіне қарасты сейсмикалық станциялар желісі Алматыдан 74 км жерде болған жер сілкінісін тіркеді, деп хабарлайды KAZ.NUR.KZ қалалық ТЖД-ның баспасөз қызметіне сілтеме жасап.

Ведомствоның мәліметінше, жерасты дүмпуі Астана уақытымен 21:14-те тіркелген.

Жер сілкінісінің ошағы Алматы қаласынан оңтүстікке қарай 74 км қашықтықта Қырғызстан аумағында орналасқан.

• Жер сілкінісінің энергетикалық класы – 10.2.
• MPV магнитудасы – 4.5.
• Тереңдігі – 5 шақырым.

ТЖД өкілдерінің айтуынша, жер сілкінісі Алматы қаласының Алма-Арасан шатқалында 2 балл деңгейінде сезілген.