Top.Mail.Ru

Сайт нұсқасы

ru kz

Зектілері

Биыл оқу жылы қашан аяқталады: Оқу-ағарту министрлігі нақты күнді атады

Опубликовано:

Мектеп бітіріп жатқан түлектер
Соңғы қоңырау. Көрнекі фото: NUR.KZ / Владимир Третьяков

Оқу-ағарту министрі Ғани Бейсембаев оқу жылының аяқталу мерзімі туралы бұйрыққа қол қойды. Бұл туралы бірінші Оқу-ағарту вице-министрі Шолпан Каринова Facebook парақшасында хабарлады.

Ресми хабарламада 2022-2023 оқу жылын аяқтау және орта білім беру ұйымдарында білім алушыларды қорытынды аттестаттаудан өткізу мерзімдерін бекіту туралы Оқу-ағарту министрінің бұйрығы қабылданғандығы айтылған.

Бұйрыққа сәйкес:

  • Меншік нысанына және ведомстволық бағыныстылығына қарамастан орта білім беру ұйымдарындағы оқу сабақтары 2023 жылғы 31 мамырда аяқталады.
  • 9 (10) сыныптарда білім алушылардың қорытынды бітіру емтихандары 2023 жылғы 2-13 маусым аралығында өткізіледі.
  • 11 (12) сыныптарда білім алушылардың мемлекеттік бітіру емтихандары – 2023 жылғы 5-19 маусым аралығында өткізіледі.

Сонымен қатар қорытынды аттестаттауды өткізудің мынадай мерзімдері бекітілген:

  • 9 (10)-сынып оқушылары үшін:
  1. оқыту тілі бойынша эссе нысанында жазбаша емтихан, гуманитарлық цикл пәндерін тереңдетіп оқытатын мектептер үшін – жазбаша жұмыс (мақала, әңгіме, эссе) – 2023 жылғы 2 маусым;
  2. математика (алгебра) бойынша жазбаша емтихан (бақылау жұмысы) – 2023 жылғы 6 маусым;
  3. өзге тілдерде оқытатын сыныптарда қазақ тілі мен әдебиеті бойынша жазбаша емтихан (мәтінмен жұмыс, мәтін бойынша тапсырмаларды орындау) және қазақ тілінде оқытатын сыныптарда орыс тілі мен әдебиеті бойынша жазбаша емтихан (мәтінмен жұмыс, мәтін бойынша тапсырмаларды орындау) – 2023 жылғы 9 маусым;
  4. таңдау пәні бойынша жазбаша емтихан (физика, химия, биология, география, геометрия, Қазақстан тарихы, дүниежүзі тарихы, әдебиет (оқыту тілі бойынша), шет тілі (ағылшын/француз/неміс), информатика) – 2023 жылғы 13 маусым;
  • 11 (12) сынып оқушылары үшін:
  1. оқыту тілі бойынша жазбаша емтихан – 2023 жылғы 5 маусым;
  2. алгебра және анализ бастамалары бойынша жазбаша емтихан – 2023 жылғы 8 маусым;
  3. Қазақстан тарихы бойынша ауызша емтихан – 2023 жылғы 12 маусым;
  4. өзге тілдерде оқытатын сыныптарда қазақ тілі мен әдебиетінен және қазақ тілінде оқытатын сыныптарда орыс тілі мен әдебиетінен жазбаша емтихан – 2023 жылғы 15 маусым;
  5. таңдау пәні бойынша жазбаша емтихан (физика, химия, биология, география, геометрия, дүниежүзілік тарих, құқық негіздері, әдебиет (оқыту тілі бойынша), шет тілі (ағылшын/француз/неміс), информатика) – 2023 жылғы 19 маусым.

"Облыстардың, Астана, Алматы және Шымкент қалаларының білім басқармалары оқу жылын ұйымдасқан түрде аяқтау бойынша тиісті шараларды ұйымдастырады", – дейді Шолпан Каринова.

Айта кетейік, бұған дейін Оқу-ағарту министрлігінің Орта білім комитеті хабарлағандай, соңғы қоңырау енді 1 маусым – Халықаралық балаларды қорғау күні өтеді.

Мақаланың түпнұсқасы: https://kaz.nur.kz/society/2016487-biyl-oqu-zyly-qasan-ayaqtalady-oqu-agartu-ministrligi-naqty-kundi-atady/

pixel