Қарағанды облысында ірі қарадан құтырма ауруы анықталды
Опубликовано:
Қарағанды облысы Қарқаралы ауданының аумағында орналасқан шаруа қожалығында ірі қарадан құтырма ауруы анықталды, деп хабарлайды "Azattyq Ruhy" басылымы.
Басылым мәліметінше, індет анықталғаннан кейін шаруа қожалық карантинге жабылды.
"Қарқаралы ауданы Шарықты ауылдық округінің Теректі ауылында орналасқан жеке қосалқы шаруашылық аумағында ірі қараның арасынан құтыру ауруы анықталуына байланысты шектеу іс-шаралары белгіленсін. Осы шешімнің орындалуын бақылауды өзіме қалдырамын", - делінген "Ашық" НҚА порталында жарияланған Шарықты ауылдық округінің әкімі А. Нөгербековтің шешімінде.
Аталған шешім кеше, яғни 12 сәуірде күшіне еніп, шектеу іс-шаралары белгіленді.
Мақаланың түпнұсқасы: https://kaz.nur.kz/society/2016698-qaragandy-oblysynda-iri-qaradan-qutyrma-auruy-anyqtaldy/
