Алматыда жылудың қашан өшірілетіні белгілі болды

Алматыда 20 сәуірден бастап жылу беру кезең-кезеңімен өшіріледі, деп хабарлайды KAZ.NUR.KZ қала әкімдігінің баспасөз қызметіне сілтеме жасап.

Қала әкімдігі баспасөз қызметінің мәліметінше, Алматы қаласында гидрометеорологиялық қызметі қалалық әкімдікпен бірге 2023 жылғы 20 сәуірден бастап 2022-2023 жылдарға арналған жылыту маусымын аяқтау туралы шешім қабылданған.

Бұған Алматыда күнтізбелік 5 күн ішінде сыртқы ауаның орташа тәуліктік температурасы +8 градустан және одан жоғары болуы себеп болып отыр.

Тұтынушыларды жылумен жабдықтаудан ажырату мынадай кезектілікпен жүзеге асырылады:

1) әкімшілік ғимараттар, оқу орындары, театрлар, өзге де ғимараттар;

2) тұрғын үйлер (тұрғын ғимараттар, жатақханалар, қонақ үйлер);

3) әлеуметтік нысандарр (балалар, емдеу, мектеп мекемелері, кәсіптік мектептер, медициналық-әлеуметтік мекемелер).

Мәтіннен қате тапсаңыз, бізге жазыңыз