"44,5 мың жұп ажырасқан": тиісті мекеме өткен жылдың статистикасын жариялады

Ұлттық статистика бюросы Телеграм арнасында еліміздегі некеге тұру мен ажырасу бойынша соңғы деректі ұсынды, деп хабарлайды KAZ.NUR.KZ тілшісі.

Ведомство мәліметінше, 2022 жылы Қазақстанда 128,4 мың неке қиылған, бұл 2021 жылмен салыстырғанда 8,5%-ға аз.

"Өзге ұлт өкілімен тіркелген некелердің үлесі 34,8% құраған. Алғаш некеге тұрған ерлер үлесі 79,1%, әйелдер арасында – 81%. Некені алғаш құрғандардың орташа жасы: ерлерде – 28 жас, әйелдерде – 25,2 жас. 2022 жылы некелердің ең көбі тамыз айында тіркелген – 15 267", - делінген хабарламада.

Сонымен қатар былтыр елімізде 44,5 мың ажырасу дерегі тіркелген.

Бұл 2021 жылмен салыстырғанда 7,7%-ға аз.

"2022 жылы ажырасулардың ең көп үлесі некеде 1-4 жыл тұрғандар арасында болған, ажырасулардың жалпы санының 34,6%, 5-9 жыл некеде тұрғандардың ажырасу үлесі – 30%", - делінген хабарламада.