Алматыда жартылай марафонға байланысты жолдар ішінара жабылады (фото)

Алматы қаласында 23 сәуір күні өтетін жартылай марафонға байланысты жолдар ішінара жабылады деп хабарлайды қала әкімдігі Telegram-дағы ресми арнасында.

Әкімдіктің баспасөз қызметінің мәліметінше, биыл бұл спорттық сайыс мегаполисте алтыншы рет өткелі отыр. Оған 7600-ден астам адам қатысады.

Осыған байланысты жүгіру кезінде көлік қозғалысы ішінара сағат 00:00-ден 12:00-ге дейін шектеледі.

Көлік қозғалысын шектеу сағаты спортшылардың орташа жылдамдығын ескере отырып есептелген. Жүгіріп өткен сайын жолдар ашылып отырады.

Осы орайда әкімдік тұрғындарды қала ішіндегі бағытты алдын ала жоспарлап алуға кеңес береді.