Жетісу облысында кәсіпкерден 15 мың қытай юанін бопсалаған қылмыстық топ ұсталды

Жетісу облысында кәсіпкерді қорқытып, ақша талап еткен қылмыстық топ ұсталды. Бұл туралы Ішкі істер министрілігінің ресми Telegram арнасы хабарлады, деп жазады KAZ.NUR.KZ.

ҰҚҚКБ жедел қызметкерлері арнайы жасақ жауынгерлерінің көмегімен кәсіпкерді қорқытып, ақша талап еткен күдіктілерді Жаркент қаласында ұстады. Күдіктілер жергілікті кәсіпкерді қорқытып, 15 мың қытай юанін талап еткен.

"Топ үш адамнан тұрады. Біреуі - Алматы қаласының тұрғыны, екіншісі - Алматы облысынан, үшіншісі - Жетісу облысының тұрғыны. Жәбірленуші оларға ақша беру кезінде ұсталды. Олардың біреуінен 9 мм калибрлі 13 патроны бар тапанша (сигналдық) табылып, тәркіленді", – деп хабарлады Жетісу облысы полиция департаменті ҰҚҚКБ бастығы Сарқытбай Құсайынов.

Аталған факт бойынша тергеу амалдары Қылмыстық кодекстің 194-бабына сәйкес ("Қорқытып алу") жүргізіледі. Ұсталған адамдар уақытша ұстау изоляторына қамалды.