"Қазтелерадио" Көктөбедегі телемұнараға найзағай түскеннен кейін не болғанын айтты

Әлеуметтік желіде Көктөбедегі телемұнараға найзағай түскен видео пайда болды. Алайда ешкім зардап шеккен жоқ, деп хабарлайды "Қазтелерадионың" ресми сайтына сілтеме жасаған KAZ.NUR.KZ.

Алматыдағы "Көктөбе" телемұнарасына найзағай соққан сәт фотограф Дмитрий Доценконың бейнетіркеуіне түсіп қалған болатын. Бейнежазба TikTok парақшасында жарияланған.

Кейін "Қазтелерадио" 30 сәуірде болған найзағайдан телемұнараның зақымданбағанын хабарлады.

"2023 жылғы 30 сәуірде "Көктөбе" радиотелевизиялық станциясына найзағай түсуіне қатысты соңғы жаналықтарға байланысты телевизиялық мұнараға зақым келмегенін, штаттық режимде жұмыс істеп тұрғанын хабарлаймыз. Ешқандай техникалық ақаулар тіркелген жоқ. Телерадио хабарларын тарату еш кедергісіз, іркіліссіз жүзеге асырылып жатыр", - делінген хабарламада.