"Әріптестер болып шыққан": Көкшетауда көшеде төбелескен бір топ жас жігіт видеоға түсіп қалды
Опубликовано:
5 мамыр күні Көкшетау қаласының Әуелбеков-Сағдиев көшелерінің қиылысында төбелес ұйымдастырған төрт жас жігіт ұсталған. ІІМ Telegram-арнасының хабарлауынша, ұсталғандар бір фирмада жұмыс істейтін әріптестер болып шықты.
Ведомствоның мәліметінше, құқық бұзушылар полиция басқармасына жеткізіліп, медициналық куәландыру жүргізілген.
Медициналық куәландыру нәтижесі бойынша азаматтар мас күйде болғаны анықталды. Сондай-ақ ұсталғандар бір компьютерлік фирманың қызметкерлері екені әрі өзара әріптестер екендігі анықталды.
"Жанжалға қатысушылар ӘҚБтК 440-бабы бойынша әкімшілік жауапкершілікке тартылды", делінген ІІМ Telegram-арнасында.
Назар аударыңыз! Бейнежазбада бейәдеп сөздер бар!
Мақаланың түпнұсқасы: https://kaz.nur.kz/society/2019666-ariptester-bolyp-syqqan-koksetauda-kosede-tobelesken-bir-top-zas-zigit-videoga-tusip-qaldy/
