Алдағы күндері елімізде жаңбыр жауып, үсік жүруі мүмкін

"Қазгидромет" РМК синоптиктері 16-18 мамырға арналған ауа райы болжамын ұсынды, деп хабарлайды KAZ.NUR.KZ тілшісі.

Метеорологтардың мәліметінше, алдағы күндері Қазақстанның басым бөлігінде жаңбыр жауып, найзағай күтіледі және бұршақ жауады.

16-17 мамырда оңтүстік-батыста, 16-18 мамырда солтүстік-батыста және оңтүстікте, 17-18 мамырда орталықта, 18 мамырда еліміздің оңтүстік-шығысында қатты жаңбыр болады деп болжануда. Сондай-ақ республика бойынша желдің күшеюі күтілуде.

Синоптиктердің ақпаратынша, республика бойынша температуралық фонның төмендеуі болжанады. Түнгі уақыттарда еліміздің солтүстік жартысында 3 градусқа дейін үсік болады.

Күндізгі уақыттарда еліміздің солтүстік-батысында, солтүстігінде ауа температурасы 13-18 градусқа дейін, еліміздің қалған бөлігінде 15-23 градусқа дейін төмендеуі мүмкін.

Мәтіннен қате тапсаңыз, бізге жазыңыз