Жамбыл облысында 80 жастағы қария 5 жасар қызға алма беріп, ұялы телефонын алып кеткен

Жамбыл облысында 80 жастағы қария 5 жасар қызға алма беріп, алдау арқылы ұялы телефонын алып кеткен, деп хабарлайды Қазақстан ІІМ жаңалықтары Telegram-дағы арнасында.

Ведомство мәліметінше, Байзақ ауданының полиция бөліміне 5 жасар қыздың анасы шағымданып, белгісіз қарт кісінің кәмелетке толмаған қызының смартфонын алып кеткенін хабарлаған.

"Күдікті бағасы 132 мың теңге тұратын гаджетті бүлдіршіннен алдау арқалы алмаға айырбастап алған", - дейді аудандық полиция бөлімінің өкілдері.

ІІМ қылмыстық қодекстің 190-бабы 1-бөлігі бойынша сотқа дейінгі тергеу амалдары басталғанын мәлімдеді.

Ведомство ақпаратынша, 80 жастағы ер адам ұсталып, ол өзінің кінәсін толық мойындаған. Сонымен қатар қариядан үялы телефон тәркіленген.