Павлодарда Ерке мен Раимның қатысуымен өткен концертте 16 бала жоғалып кетті

Павлодарда отандық жұлдыздардың қатысуымен үлкен концерт өтіп, біраз ата-ана балаларын таба алмай қалды, деп жазады Pavlodarnews.kz.

Павлодардың орталық жағалауында қоғамдық тәртіпті полиция күзетті.

Облыстық полиция департаментінің мәлімдеуінше, концерт кезінде 16 бала жоғалып кеткен.

"Балалардың ата-аналары анықталып, өздеріне табысталды", - деді департаменттің баспасөз қызметінде.

Сонымен қатар, жағалауда түнгі сағат 23:00-ден кейін балалардың заңды өкілінсіз жүргені үшін ата-аналарға 11 әкімшілік хаттама толтырылды.

Еске салайық, Ertis Promenade сахнасындағы маусымның ашылуына 40 мыңға жуық адам жиналды.

Концертте отандық эстрада жұлдыздары Ерке Есмахан, Раим, Еркеш Хасен өнер көрсетті.