Абай облысындағы өрттен зардап шеккендерге көмек көрсету үшін қор ашылды

Абай облысындағы өрттен зардап шеккендерге көмек көрсету үшін қайырымдылық қоры ашылды. Бұл туралы Абай облысының әкімдігі Telegram-дағы ресми арнасында хабарлады.

"Қорға түскен барлық қаражат Абай облысындағы ірі өрттен зардап шеккендерге көмек ретінде жұмсалады", – делінген әкімдік хабарламасында.

Көмекті төмендегі реквизиттер арқылы көрсетуге болады:

• "Ақ Ертіс" Қоғамдық қоры
• БСН 220 840 037 964
• Арнайы банк шоты ЖСК
• KZ80601A261001216131
• "Қазақстан Халық Банкі" АҚ
• БСК HSBKKZKX
• Кбе 18

Еске сала кетсек, Абай облысындағы орман өрті салдарынан адамдардың қаза болуына байланысты Қазақстанда 12 маусым жалпыұлттық аза тұту күні болып жарияланды. Орман өртінен 14 адам қаза тапты.