Абай облысындағы өрт кезінде жоғалған ер адамның тракторы табылды (фото)

Абай облысының полицейлері із-түзсіз жоғалған тұрғын Сергей Архиповтың тракторын тапты. Куәгерлер соңғы рет оны трактор айдап бара жатқанда көрген. Бұл туралы KAZ.NUR.KZ облыстық Полиция департаментінң Instagram-дағы ресми парақшасына сілтеме жасап хабарлайды

Өртті сөндіруге көмектескен 1987 жылы туған Абай облысының тұрғыны екі күннен бері іздестіріліп жатыр. Соңғы рет ол 10 маусымда хабарласқан.

Бір күн бұрын полиция қызметкерлері Сергей Николаевичтің тракторын орманннан тауып алған. Трактор Бородулиха ауданы, Дмитриевка ауылынан бес километр, тас жолдан бір километр жердегі аумақтан табылған. Полицейлер трактордың жағдайы жақсы екенін атап өтті.

Тәртіп сақшылары Сергей Архиповтың жүрген жерін анықтап, іздестіру шараларын жалғастыруда.

Айта кетейік, осыған дейін өртті сөндіруге атсалысқан Абай облысының тұрғынының із-түзсіз жоғалып кеткені туралы хабарлаған едік.