"Семей орманы" табиғи резерваты қызметкерлерінің жалақысы көтерілуі мүмкін

Экология және табиғи ресурстар министрі Зүлфия Сүлейменова 1 шілдеден бастап "Семей орманы" табиғи резерваты қызметкерлерінің жалақысы көтерілетінін айтты. Бұл туралы KAZ.NUR.KZ "Хабар 24" телеарнасына сілтеме жасап хабарлайды.

Министр жалпы сала бойынша қаржыландыруды төрт жыл ішінде көбейту жоспарда барын атап өтті. Оның сөзінше, бұл қаражат арнайы техниканы жаңартуға және өртті ерте анықтау жүйесін орнатуға жұмсалады.

"Үкіметтің бүгінгі отырысында орман шаруашылығын материалдық қамтамасыз ету мәселесі көтерілді. Біз орманшылардың барлық қажеттілігі бойынша жағдайды талдап, қосымша қаржы сұраймыз", - деді Зүлфия Сүлейменова.

Ерекше қорғалатын табиғи аймақтар сайтында "Семей орманы" мемлекеттік орман табиғи резерваты 2003 жылы Қазақстан Республикасы Үкіметінің қаулысымен Бегеневский, Бородулиха, Бөкебаев, Долон, Жаңасемей, Жармин, Канонерский, Морозовский, Новошульба және Семей мемлекеттік орман және жануарлар дүниесін қорғау мекемелері біріктірілген.

Резерваттың жалпы ауданы 654 179,8 гектарды құрайды.

Сонымен қатар резерватты қаржыландыру тиісті жылға арналған республикалық бюджетте көзделген қаражат есебінен жүзеге асырылатыны атап өтілді.

Еске салайық, Абай облысындағы ірі орман өрті салдарынан "Семей орманы" табиғи резерватының 14 қызметкері қаза тапқан болатын. Олар ормандағы өртті сөндіруге алғашқылардың бірі болып шыққан еді.