Қазақстанда жаңа мереке пайда болуы мүмкін

Қазақстанда 1 ақпан Қазақстан Республикасының азаматтық авиация күні мерекесі деп бекітілуі мүмкін. Тиісті жобаның қаулысы "Ашық НҚА" ресми сайтында жарияланды.

"Қазақстан Республикасындағы мерекелік күндердің тізбесін бекіту туралы" үкімет қаулысының жобасына сәйкес, 1 ақпанды Қазақстанның Азаматтық авиация күні деп бекіту ұсынылған.

Бұл бастаманы азаматтық авиация кәсіпорындарының бірлескен соғыс және еңбек ардагерлер Кеңесі көтерген.

Қоғамдық талқылауға арналған құжат жобасы "Ашық НҚА" порталында 23 маусымда жарияланды, талқылау биылғы жылдың 11 шілдесінде аяқталады.

Бұл қаулының мақсаты – Қазақстандағы азаматтық авиация қызметкерлерінің ресми мерекесін бекіту. Жобаны іске асыру үшін қаржылық шығындар талап етілмейтіні атап өтілді.