Бұршақ, жаңбыр, шаңды дауыл: жұмада ел аумағында ауа райы қандай болады
Жарияланған күні:
![жаңбырлы күн жаңбырлы күн](https://cdn.nur.kz/images/1120x630/ea69c61b314dd895.jpeg)
Синопиктер жұма, 30 маусымда ел аумағында ауа райы қандай болатынын болжады. Бұл туралы KAZ.NUR.KZ "Қазгидромет" РМК-ның ресми сайтына сілтеме жасап хабарлайды.
Метеорологтардың мәліметінше, Қазақстанның басым бөлігі әлі де атмосфералық фронтальды бөліктердің ықпалында болғандықтан, бүгін ел аумағында найзағай мен жаңбыр сақталады.
Тек оңтүстікте, солтүстік-батыста, республиканың орталығында жауын-шашынсыз ауа райы күтіледі.
Сондай-ақ бүгін республиканың басым бөлігінде жел күшейіп, солтүстік пен шығыста түнде және таңертең тұман түсіп, солтүстік-шығыста, шығыста бұршақ жауып, оңтүстік-батыста күндіз шаңды дауыл тұруы мүмкін.
Бұдан бөлек, Түркістан, Маңғыстау, Жамбыл облыстарының басым бөлігінде, Ақтөбе облысының оңтүстігінде, оңтүстік-шығысында, Қызылорда облысының батысында, шығысында, Қарағанды, Жетісу, Ұлытау облыстарының оңтүстігінде, Атырау облысының шығысында, оңтүстігінде, Жетісу облысының солтүстік-батысында, Қостанай облысының оңтүстігінде, өрт шығу қаупі сақталады.
Қызылорда облысының орталығында өрт шығу қаупі жоғары.
Мақаланың түпнұсқасы: https://kaz.nur.kz/society/2026881-bursaq-zanbyr-sandy-dauyl-zumada-el-aumagynda-aua-raiy-qandai-bolady/